صلوعاب لسَانْ بـلهجْ حَبَابْ

وقِليبَهَا فاتحْ زَي بيوتهَا الفاتحَة بَابْ

صلوعاب بَلدْ كُلَّ الصِحابْ

جُوّاهَا مَا بتشوفْ غَريبْ

صلوعاب مِجافيَة الإغـتِرابْ

صلوعاب رحابْ القادِمِينْ

صلوعاب أمَانْ الخَائِفينْ

دخول

لقد نسيت كلمة السر

المواضيع الأخيرة

»  البعرف ده ليه جائزة
الإثنين يناير 20, 2014 12:51 pm من طرف Wadkamal

» ملف صوتي - مرثية هاشم - إلقاء معز عوض
السبت يناير 11, 2014 4:18 pm من طرف wad_algmair

» قلوب لاتعرف النسيان
الإثنين نوفمبر 11, 2013 11:18 am من طرف بت ملوك النيل

» التوافق بين العقل والقلب
الإثنين نوفمبر 11, 2013 11:16 am من طرف بت ملوك النيل

» فضل صيام يوم عاشوراء ( العاشر من محرم)
الإثنين نوفمبر 11, 2013 10:48 am من طرف بت ملوك النيل

» أي العبارات التالية تؤلمك
الإثنين نوفمبر 11, 2013 10:45 am من طرف بت ملوك النيل

» رســـــالة إلى عاق الـــوالـــديــن
الخميس أكتوبر 24, 2013 10:16 am من طرف بت ملوك النيل

» برنامج نور القرآن الكريم لتفسير ونسخ آيات القرآن الكريم والا
الخميس أكتوبر 24, 2013 10:14 am من طرف بت ملوك النيل

» دموع التائبين الللهم اجعلنا منهم
الخميس أكتوبر 24, 2013 10:11 am من طرف بت ملوك النيل

» الخطوات النى نقربك الى الله تعالى
الخميس أكتوبر 24, 2013 10:10 am من طرف بت ملوك النيل

» فضل العشر من ذي الحجة
الخميس أكتوبر 10, 2013 2:32 pm من طرف بت ملوك النيل

» صنائع المعروف تقي مصارع السؤ
الخميس أكتوبر 10, 2013 1:35 pm من طرف بت ملوك النيل

» معجزة إالهية شفاء حاج وحاجة من المرض في مكة
الخميس أكتوبر 10, 2013 1:32 pm من طرف بت ملوك النيل

» كلمات من ذهب
الخميس أكتوبر 10, 2013 1:15 pm من طرف بت ملوك النيل

» حروف متناثرة
الخميس أكتوبر 10, 2013 1:13 pm من طرف بت ملوك النيل

أفضل 10 أعضاء في هذا الشهر

أفضل 10 أعضاء في هذا الأسبوع

    طبقات ود ضيف الله

    شاطر

    Muntasir Musaad
    صلوعابي نشيط جداً
    صلوعابي نشيط جداً

    تاريخ التسجيل: 19/09/2010
    عدد الرسائل: 148
    العمر: 33
    Localisation: الخرطوم-الكلاكلة

    طبقات ود ضيف الله

    مُساهمة من طرف Muntasir Musaad في الإثنين سبتمبر 27, 2010 1:56 pm

    طبقات ود ضيف الله



    ياكمسارى
    دى حافلة وين ؟؟
    دى ماشة الشعبى
    اركب واسرع
    نفر .. ونقوم
    يا ولد جنيت ؟؟
    وكمان بتكورك
    وبالحقلوم
    وتقول الشعبى ؟.!
    .........

    انا ماشى ...
    ماشى
    الـ ....
    الـ .....
    وين ياعم ؟؟
    لو ماشى الحركة
    برضو بنمشى
    بنفس الشارع
    ياولد
    انت مسلط ؟!
    حركة وشعبى
    وفى وشى ؟؟
    دى خلطة وين ؟؟
    انا عندى قلب
    ما توقف قلبى
    طيب يا عم
    وين ماشى ؟؟
    اسرع اقول
    انا ماشى ....
    ما شى ....
    يا ربى لوين
    يا ود جاد الله ؟؟!
    نسيت يا زول
    طيب يا عم
    خلينا ننادى
    (
    يصيح)
    تيجاني الماحي
    تيجااانى الماااحى
    باقي نفر
    نفر ... وسفر
    سفر .. و.. نفر
    يوماااتى
    ليلاااتى
    صباااحى
    نفر... وسفر
    لا يا ولدى
    كورك وقول :
    جوع .. وسهر
    حفر .. مطر
    ..
    غم .. وكدر
    فلس فى شهر
    طشاش فى نظر
    عمر.. وهدر
    طيب يا عم
    ما انت العاقل
    ورينا الناس
    اللاقو الراحة
    لقوها فى وين ؟؟
    كفر.. ووتر ؟؟
    لا لا
    تبيع لى روحك
    تخون لجروحك
    وتختا الشر
    تعوم فى البر
    تكون نص
    حاجة
    وتصبح واحد
    تكون كضباب
    ونجمك صاعد
    تكون سراق
    لا ضمير
    لا شاهد
    تكون ود موية
    او حربوية
    وزمنك واعد
    يا عم مالك ؟؟
    مرات مجنون
    مرات عاقل
    مرات خايف
    مرات راجل
    حتجننى ...
    انت منو ؟؟
    انا ولد جاد الله
    فى كل محطة
    فى كل مظلة ......
    كورك يا وليد
    تيجانى الماحى
    باقى نفر
    تيجااانى المااحى
    نفر.. وسفر
    تيجانى الماحى
    يوماااتى
    صباحى
    ليلااتى
    نفر ... وسفر
    جوع ... وسهر
    حفر... ومطر
    طشاش فى نظر
    عمر وهدر ....

    (2)
    الحيشان
    يا ايدى
    شيلينى
    ختينى
    فى البيت الشعب
    تلات حيشان
    فى نص القلب
    هنا المسرح
    هنا التلفاز
    هنا الرادى
    هنا امدرمان
    هنا السودان
    ...........
    اتحزمت
    كتبت
    نضمت
    انتجت
    عديل بالغت
    ماقصرت
    نصحنى الغاشى
    والدانى ..
    منو القال ليك
    ده بيت الشعب
    فى نص القلب ؟؟
    ده بيت السلطة
    يالسطى
    كلو بديع
    هنا بينزاح
    بايد ضباح
    كلو بديع
    مصيرو صريع
    ويكون فانى
    ............
    اتفلسفت
    خطبت
    اتقعرت
    ما خليت
    حرف عربى
    ما خليت
    مثال غالى ...
    رفعت الصوت
    كبير عالى
    لما الصوت
    عديل بح
    واتحذلقت بالفصحى
    بيان هام
    يا اهل الفن
    دعونى اضع
    (
    طوبة)
    على صرح
    البناء العام
    فهذا الشعب
    مجبول على الافعال
    لا الاحلام
    هذا الصرح
    صرح الشعب
    لا السلطة
    هنا الفنان
    ملك الناس
    فهو الحادى
    و (الاسطى)
    تعالوا
    يا بنى وطنى
    وبالابداع
    لا الاحلام
    نوكد ان....
    .....
    فجاة سمعت
    صوت فرقع
    تحت كرعيا
    زى ألغام
    ونص الراس
    وقع شاكوش
    دفن برشام
    عصار وقيامة
    قول لا حول
    ياود جاد الله
    ما فى كلام
    ..........
    قلت دراما
    شان الشعب
    سمعت هتاف
    مكرب تب
    لا للفجرة
    بل اسلام
    ........
    لا بالعالى
    وبالقسم الغالى
    لود جاد الله
    بل دين الله
    .....
    ما فى دراما
    الا (عقال)
    وجبال وجمال
    وسيوف ودفوف
    وخيل ولجام
    ............
    يا ود جاد الله
    اطلع بره
    وشيل الطوبة
    ما دايرين
    لو جبت الطوب
    فى (كماين سوبا)
    .....................
    نحنا ولاد
    الصرح الخاص
    لو حتى قعدنا
    تحت راكوبة
    ما دايرين
    للصرح العام
    يا ود جاد الله
    انت شيوعى .....
    وبعثى عراقى
    ومرات (الصحوة)
    والاسلام ....
    .....
    ما دارين
    فى دراما خلاعة
    امراة سافرة
    فى بيت زوجية
    او صبحية
    اوحتى مسافرة
    ولابسة بلوزة
    بدون اكمام
    .............
    ممنوع افلام
    لنعامة بتجرى
    وريشها قصير
    عاريات كرعينها
    طويلة
    (
    سيكسى)
    ده تبذل عام
    .............
    ياود جاد الله
    اطلع بره
    ان شاء الله تهاجر
    تمشى لكندا
    او تمشى تموت
    فى لغم فى الشام
    .............
    يا ود جاد الله
    امرق بره
    ما دايرين الحاد
    وحرام ..
    .................
    ................
    طلعت
    مرقت
    تانى خطبت ؟؟؟؟
    اتفلسفت ؟؟؟
    اتفاصحت
    لقت نفسى
    الوم روحى
    ليل وصباح
    يا ود جاد الله
    بدل ما قلت
    بى هوبة
    تضع طوبة
    على صرح
    البناء العام
    وبالافعال
    وما الاحلام
    ايا مسكين
    يقع شاكوش
    فى نص الراس
    دفن وبرشام
    ..............
    يا ود جاد الله
    تطلع بره
    صالح عام
    مليون عام ؟؟؟

    (3)
    الثورة
    حزنك قصرك
    مالك وجعك
    عربيتك حزمة
    ملكك ذمة
    تاجك عمة
    رفيقك ناى
    ........
    تموت بى نارك
    وتدى الناس
    من ثمر اوتارك
    هواك مجانى
    (
    عدادك) ساى

    (4)
    المانشيت
    بورولوج
    تف من خشمك
    الحنضل
    هداك برقا
    شرق اجمل
    لافى جريدة
    لاسيرة
    لا رادى
    لا وادى
    ولاغزلوهو
    فى معمل
    داك برقا
    طلع من سالبك
    الموجب
    ومن ضحكة بكاك
    تب تب
    وفى صنه
    سكون غنيتك
    وقف تاتا
    وعديل كركب
    ومن جبل الحزن
    حجاك
    وساق دمعك
    بحر ساساق
    دفربى عشقو
    للمركب
    وكان الدنيا
    كلما تضيق
    تلاقى صديق
    تلاقى طريق
    صعب
    اسهل ....
    تف من خشمك
    الحنضل
    هداك برقا
    بلج اجمل
    .............
    لو ما كنت
    سودانى
    ولو ما جرحك
    الصابر
    سراح حدادى
    مدادى
    من شرقك
    ولى غربك
    ومن عقلك
    ولى قلبك
    شنو الخلى
    الوطن بى حالو
    مليون ميل
    تشيلو عديل
    ويتمهل
    فى ضيق صدرك
    لو ما كنت
    من وجعك
    شرب حرفك
    وما قبل
    على الاسهل
    شنو الخلى
    العيون تحمل
    عذاب الرؤيا
    للاجمل ..
    ولو ما كنت
    ناى سواى
    وما حداث
    وسر ضحاك
    وما بكاى
    شنو النحتك
    من الاهوال
    فى احسن حال
    بقيت سودانى
    بالازميل
    وبالتجريح
    وبالتجريج
    وبالتنكيل
    وما باللفة
    ولا سهل
    شنو البقاكا
    يا هلكان
    من السودان
    شنو السواكا
    نار وعصار
    ودار وعمار
    وانت وحيد
    كمان اعزل
    تف من خشمك
    الحنضل
    داك برقا
    شلع اجمل
    رغم (الظاهرة)
    والخافية
    رغم العصبة
    والمافيا
    رغم الشفتو
    والجاكا
    وناس (دلاكة)
    كنداكة
    ناس (ودوك)
    وجبناكا
    ناس الزانة
    والزازاى
    ناس الزانة
    ناس (البزة)
    والتاتاى
    ناس (المزة)
    سيرة الناس
    فى ضل البن
    وبو الشاى
    ناس (البيع)
    وستين وش
    عشان الخش
    ومليون راى
    ...............
    الا حجاكا
    ما بكمل
    تجى الكنداكا
    تمشى وراكا
    تلقى الستاتر
    الناصر
    طويل امهل
    وما اهمل
    تعاين
    والعصار حاسر
    ويلوح ليكا
    يوم باكر
    تتف من خشمك الحنضل
    تشوف برقا
    سطح اجمل
    ............
    لو ما كنت
    سودانى
    ولو ما كنت
    سودانى
    ولو ماحرجك
    الصابر
    سرح حدادى
    مدادى
    شنو الخلى الوطن
    بى حالو
    مليون ميل تشيلو
    عديل ويتهمل
    فى ضيق صدرك
    ...................
    تف من خشمك
    الـحـنـضل

    طارق احمد
    نائب المشرف العام
    نائب المشرف العام

    تاريخ التسجيل: 13/02/2010
    عدد الرسائل: 152

    رد: طبقات ود ضيف الله

    مُساهمة من طرف طارق احمد في الإثنين سبتمبر 27, 2010 2:01 pm

    منتصر يا ولدي
    ما بتودينا في ستين داهية
    شنو شعبي ... شنو حركة

    الله يجازيك ... لك تحياتي حبيبنا منتصر .. ملحمة ود ضيف الله بديعة وشعر يحكي عن الواقع .ز لك التحية و التجلة

      الوقت/التاريخ الآن هو الأحد أبريل 20, 2014 7:45 am