صلوعاب لسَانْ بـلهجْ حَبَابْ

وقِليبَهَا فاتحْ زَي بيوتهَا الفاتحَة بَابْ

صلوعاب بَلدْ كُلَّ الصِحابْ

جُوّاهَا مَا بتشوفْ غَريبْ

صلوعاب مِجافيَة الإغـتِرابْ

صلوعاب رحابْ القادِمِينْ

صلوعاب أمَانْ الخَائِفينْ

دخول

لقد نسيت كلمة السر

المواضيع الأخيرة

» اليقين والتوكل علي الله
السبت أكتوبر 03, 2015 11:32 pm من طرف Wadkamal

»  شركة تشطيبات فى المهندسين (شركة تراست جروب للتشطيبات )
الأحد أبريل 19, 2015 11:28 pm من طرف MARINAADEL

»  شركة تصميم ديكورات (شركة تراست جروب للتشطيبات والديكورات)
الأحد أبريل 19, 2015 11:24 pm من طرف MARINAADEL

»  افضل شركة تشطيب (شركة تراست جروب للتشطيبات والديكورات )
الأحد أبريل 19, 2015 11:19 pm من طرف MARINAADEL

» صور ديكورات(شركة تراست جروب للتشطيبات والديكورات 37623103 )
الأحد أبريل 19, 2015 11:14 pm من طرف MARINAADEL

»  شركات الديكور فى مصر(شركة تراست جروب للتشطيبات والديكورات )
الأحد أبريل 19, 2015 10:49 pm من طرف MARINAADEL

» وتتوالى نجاحات المكملات الغذائيـــة لمراكـــز الهاشـــمى للا
الأربعاء سبتمبر 03, 2014 12:38 am من طرف سراب

»  البعرف ده ليه جائزة
الإثنين يناير 20, 2014 12:51 am من طرف Wadkamal

» ملف صوتي - مرثية هاشم - إلقاء معز عوض
السبت يناير 11, 2014 4:18 am من طرف wad_algmair

» قلوب لاتعرف النسيان
الأحد نوفمبر 10, 2013 11:18 pm من طرف بت ملوك النيل

» التوافق بين العقل والقلب
الأحد نوفمبر 10, 2013 11:16 pm من طرف بت ملوك النيل

» فضل صيام يوم عاشوراء ( العاشر من محرم)
الأحد نوفمبر 10, 2013 10:48 pm من طرف بت ملوك النيل

» أي العبارات التالية تؤلمك
الأحد نوفمبر 10, 2013 10:45 pm من طرف بت ملوك النيل

» رســـــالة إلى عاق الـــوالـــديــن
الأربعاء أكتوبر 23, 2013 9:16 pm من طرف بت ملوك النيل

» برنامج نور القرآن الكريم لتفسير ونسخ آيات القرآن الكريم والا
الأربعاء أكتوبر 23, 2013 9:14 pm من طرف بت ملوك النيل

أفضل 10 أعضاء في هذا الشهر

أفضل 10 أعضاء في هذا الأسبوع


    مرثية رباب

    شاطر
    avatar
    معز عوض
    صلوعابي ممتاز
    صلوعابي  ممتاز

    تاريخ التسجيل : 26/05/2010
    عدد الرسائل : 38
    العمر : 33

    مرثية رباب

    مُساهمة من طرف معز عوض في الأربعاء مايو 26, 2010 9:33 am

    هذه المرثية كتبتها في نفرٍ كريم من قريتنا قرية العريباب شرق مدني الذين رحلوا منَّا بعد حادث حركه مريع ن إسألوا لهم الرحمه والمغفرة
    ورباب هو الإسم الرمزي لكلمة العريباب


    ربـاب

    مع إنو هسع
    أنا ما مُهيئَ
    إني أبكيك بإحترام ،
    لكن بحاول أحزنك
    وإنشاء الله
    أبكيك بالحرام
    ما الدنيا أحقر ما يكون
    وما فيها شيتاَ
    يستحق نأسف عليو
    لكن بنأسف إننا
    لسَّع بنتأسف كتير
    علي إنو إتفآلنا خير
    وعشناها بي كل
    التفاصيل الممله ومحزنه
    عشناها
    بي كل الصراعات والظنون
    عشناها غصباً عننا
    إذن المصايب كُت تجيك ،
    ما ظِن بتستأذن تجي
    ساي بتفرض
    روحا جواك بالغصب
    قدرك إذن
    يترجم إحساسك أسف
    وتترجم أفراحِك نواح
    نحزن ...
    إلآ أن يصطفيك واقع جديد
    نحزن ...
    إلآ أن ذاتو ما نلقي البيفهم
    وجْعَتِك
    نحزن ...
    إلآ أن تحترم
    باقي الخلايق حُزننا
    ويتخذُو إنموذج فرح
    وفكرة خروج
    عن كل مألوف التفآؤل
    والزغاريد
    والغنا
    نحزن ...
    إلآ أن يحرد النيل
    موجو ويطمبج حريق
    لآمن يدافق
    ويروي بي دمعو الرمال
    إذن الدموع
    هي َّ منفذِّك
    نحو الفجيعه
    ومدخلك للإنكسار
    لكن حتبكي علي منو
    يا حله هداكِ المصاب
    ومن بعد ما ضلت خطاك
    كيفن حنرجع
    تاني لي نفس المسار
    كيفن حيستوعب
    يقينك محنَتِك
    وكل الملايكه الكانو فيك
    يايمه مادخلو التراب !!
    كُر يمه من جرحك
    وكُر من وجعتك
    كُر يارباب
    ومن بعدِ ما فاتن
    شموسك والبدور ،
    واسواد الدنيا بيك
    واضلْمَتِك
    ووب يمه ووب
    ووب من سماك
    لا تاني راح تدينا خير
    ولا نحن ذاتو
    نرضي
    في بدل الغمايم بالسحاب
    واطاتِك الربتنا
    بي صبر الرسل
    ياريتا لو بلعتنا جت
    وما شفنا لحظة غم وراك
    ياريتو لو
    ياحله مافاتوك شبر
    ياريتو لو ما حنُّو
    لي أحضان سواك
    ياريتو لو
    أفكارنا ليك ما أتمدينت
    لا أتبندر إحساسنا البسيط
    لا طرنا محتقرين رُباك
    ياريتو لو
    ما عرفنا غير حبك
    ولا هزانا في يوم
    غير وفاك ..
    لو كُنا إتيقَّنا
    بي موية مشاعرك يابلد ،
    ما كان جرينا ورا السراب
    ولا كان بموت عطشان هواك
    يا حله صلِّحي طرحَتِك
    وإتبلمي
    ما تبدي للتانين محاسنك وفتنتِك
    ما تنضُمِي
    ودسيها أولادك جواك
    كفي ما وهَبتي إلي الوطن
    يكفي الي راحو
    من الوِلاد
    تكفي القرابين
    والذبايح يا بلد
    يكفي اللي ضاع
    يكفي اللي راح
    ياهوى كفاك
    يا هووووووووي
    كفاك
    لِمي البيوتات في البيوت
    إحتكري حيشان الحِيَّط
    وإحتكري أنفاسك براك
    يا حله صلِّحي قعدَتِك
    وما تشهِّي في جسدك غريب
    ما قُنا ليك إتقنَّعي
    وإحتفظي بي طُهرِك جواك !؟
    ما قُنا ليك
    ما تبيعي شمسك
    لي شواطين الضلام
    وإحتكري ضوِّك لي مساك !؟؟
    خُنتينا كيفن يا رباب
    ومن دون تشاوري وفانا فيك
    أديتي للأغراب حرازنا
    وعنفوان نيلنا
    وقمرنا وضلنا
    وكشفتي ما خجلانه عن ساقك
    وطمَّعتي المصايب في لِماك
    باب الله كيف
    بتقِفلي في وش الصغار
    وتخلِّي فاتح للهبوب
    شان يتكسر
    إتْ قايله مصنوع من عُشُر !!
    مُو باب حراز
    وعارفانا ما بنقدر نعيش
    غير الحراز
    ياهو الأبونا وجدَّنا
    ياهو البعلمنا الثبات
    ياهو البهدهد همنا
    وياهو البتكِّل حوش رؤاك
    عبد الله كان
    باب الله كُت
    يطردنا من بيتو الزمن
    ويلفظ خطاوينا الطريق
    كان هو البينفخ في وريدك قوتِك
    وكان هو البساندك
    لما تتآكل قواك
    وإنتى أكتر زول أظن
    فاهم محبتنا البحر
    ده الكان بيشبه معتصم
    في مشيتو
    وفي قدلتو
    وفي ضحكتو
    وفي رقدتو
    وفي أيِ شي
    بل إنتى من علمنا
    نعشق زُرقَتُو
    زي ماهو كان
    علمنا كيف نتعب فداك
    ياهو البنحكيلو الغبن
    ووجع السنين والاغتراب
    ياهو البِقيِّلو في الوِلاد
    وأيَّاهو طش
    بنوت فريقنا
    أياهو لي كل المسافرين
    والحياري التاهو باب
    يا نيلنا يا الفارقتو قيفك
    دون إذن
    الحله كيف مسْتأذنك فيك الحضور
    علشان تقوم
    تكتب تفاصيلك غياب !!؟
    مالك ولا قادر تفيض
    وقاصر مياه وُدَّك عليك !
    واطاتنا هي السَّحبت نَداك
    أم خيرك إستدعي السحاب !
    إتآمرت ضدك قواك
    إم إنت قمتَ غرقتَ فيك !!
    يا نيلنا هسع ماشى وين
    وسايب جروفك لي منو ؟
    شقيش تفوت يعني الضفاف
    والرمله بعدك شن تسَو ؟؟
    علي وين مستِّف بهجتك
    ومالك مشيت
    والدنيا ضو ؟؟!
    آآآخر شى كُتَّ اتوقَّعو
    إنك تموت زي أيِّ زول
    ومن دون تكلِّم
    حتي ناس الحله إنك
    دار تموت
    كان تورينا الحصل
    ما كان تقولَّنا ماش وجاي
    ونرجاكا لآمن
    يصدي في حلوقنا السفر
    كان تورينا الخبر
    كنا أديناك كفن سفرك وكان
    وصينا ليك الموت عشان
    وكتين يجيك يستأذنك
    وتختار براك أسهل سفر
    مع انُّو أصلاً
    مافي أحسن من تموت
    شان تبقي حي
    وتبقي خالد
    في دواخل الناس محنَّه
    وكلمه طيبه
    وفكره ماظنيت تموت
    ومثال شهامه
    وخير وجود
    وحنان وري
    يانيلنا إطمَّن ونوم
    في تربتك نومة عريس
    وأعلم تمام
    خانتك ولا بتنسدَّ يوم
    مهما يجينا بحر جديد
    أو تاني يبعثو فينا نيل
    أو يرضي يسكن
    في بيوتاتنا الغمام ...
    يا حله وآآجدبة جروفك
    تاني وآآجدبة مزارعك
    يمه وآآكترَة بلاك
    توفيق وفات
    منك خلاص
    وعارفاهو كان
    فكرة رسول
    لو عاش بيصبح
    عادي في الآخر ملاك
    هوووي ياهلال
    في داعي يعني تموت
    قبل ليلة التمام
    في داعي كان
    تحرج وليداتنا الصُغار
    وكتين يعاينو يكوسو ضوَّك
    ويلقو في بدلك نجوم
    لا بتبقي قدرك
    لا بتطولك
    لا بتقرِّب من بهاك
    لا بتدي شوارع الحله ضو
    لا بتونِّس في الشدر
    لا بتهدي للناس السلام
    يابدرِ لسَّع ما اكتمل
    مالك مشيت
    والدنيا عتمه وخوف وظن
    كان تَتِمْ
    حِتان بعد ده تقرر إنك
    دار تفوت
    الليل منو الغيرك
    بِشَتِّت شكو ويدينا اليقين
    مين غيرك البصبح دليل
    ورفيق وسامر
    ونور وضي !!
    يا حله ماكان ده العشم
    ما كُنا قايلين إنو ممكن
    ياخدو من حضنك هلال
    ما كنا حتي بنفتكر
    قمر الله دون ميعاد يغيب
    وقبال أوانو يكون إفول ..
    يا حله وآ وحشة مساك
    وآضلام أحلامنا جمبك
    يمه وآ خيبة رجانا
    الشلنا فينا
    وتاني وآ خيبة رجاك
    عاد وين نقبل
    تاني في ساعة الهجير
    وما خلُّو ليك
    يايمه غير حزنِك مِحِل
    عارفانا كُت صيفك يجي
    ما لينا غير حيشان عزيزه
    ومافي غير ساحاتا ضل
    كانت وكت يدخل زوايانا السموم ،
    بتهبِب الجنيات
    وبنوت الفريق
    ياها البتمسح من جبينك
    يمه حباة العرق
    وياها البتتكاتف معاك
    والليله فاتت
    زيَّها وزي أيِّ غيمه
    بلا سبب
    وخلَّت نضير أرضِك يباب
    يا حله تاني ولا بِهِمْ
    كان مُتنا فيك
    أو عِشنا ساي
    أدينا كل القُلنا ليك
    أدينا جاي
    أدينا ضحكاتنا الزمان
    أدينا ريدنا ويمه هاك
    وجعك وهاك
    أحزانك الهدَّتْ كتوفنا
    وبعَّدت بيناتنا مشوار الوصول
    يا حله هاك
    هاك يا رباب
    هاكِ الجراح
    هاكِ الأنين
    هاكِ العذاب
    هاك يا رباب ...
    15\6\2007م
    avatar
    بت ملوك النيل
    المشرف العام
    المشرف العام

    تاريخ التسجيل : 28/04/2007
    عدد الرسائل : 1168

    رد: مرثية رباب

    مُساهمة من طرف بت ملوك النيل في الأربعاء مايو 26, 2010 7:03 pm

    مرحبا بيك اخي معز
    شكررررررررررررررررررررررررت علي الابداع والاقصائد الرائعة
    بارك الله فيك
    ومزيدا من التقدم
    وفي انتظار مشاركاتك القيمة والجميلة


    ـــــــــــــــــــــــــــــــــــــــــــــــ




    avatar
    اسامة احمد
    المدير العام
    المدير العام

    تاريخ التسجيل : 19/10/2006
    عدد الرسائل : 986

    رد: مرثية رباب

    مُساهمة من طرف اسامة احمد في الأربعاء مايو 26, 2010 7:55 pm

    اخي معز
    ...
    اولا : نسأل الله العلي القدير ان يجعل شهدائكم في اعالي علييين من الشهداء و الصديقين وان يخلف لكم في ذريتكم الذرية الصالحة التي تسير على درب هؤلاء الشهداء البرر الكرام ...
    ثانيا : المرثية سيدي جد محزنه وهي تعبر عن مكنون عميق يتتدفق رقه وحنان من وجدان شاعر رقيق وجميل وحساس بارك الله فيكم


    عدل سابقا من قبل اسامة احمد في السبت مايو 29, 2010 12:15 am عدل 1 مرات


    ـــــــــــــــــــــــــــــــــــــــــــــــ
    avatar
    معز عوض
    صلوعابي ممتاز
    صلوعابي  ممتاز

    تاريخ التسجيل : 26/05/2010
    عدد الرسائل : 38
    العمر : 33

    رد: مرثية رباب

    مُساهمة من طرف معز عوض في الجمعة مايو 28, 2010 3:34 am

    أنت الرائعون حقاً
    أوعدكم بالمزيد والمزيدِ دوماً
    فأنتم دافعي للكتابة
    ودافعي للبقاء على قيدِ الأمل

      الوقت/التاريخ الآن هو الخميس نوفمبر 23, 2017 8:35 pm